2006年12月7日

強記劇本所得-渴求前一星期


《渴求》裡面,角色A有以下一段很長很長很長好長的獨白。獨白被Sarah Kane的追隨者選為最欣賞的對白之一,而我多年前讀起來便已經禁不住哭了起來,一讀難忘。我把那一頁劇本摺起小角作為標記,從前每當隨手再拿起這劇本,必先會讀這段如哭求如控訴如懷念如放棄也如起誓的愛的咒語。

幾個月前,將英文版翻譯出來,竟然一邊譯一邊心酸,淚水當時非常ready。

一星期前,排練著這段獨白,我的身體抽搐,淚腺已不受控制。

這幾天,不得不把文字強記下來。我以視覺想像來提示自己以熟記這條意識流,這些零碎的情人的生活片段;我一次又一次跌進Sarah Kane的深淵。

渴求愛的深淵。


同埋我想同你玩捉依因俾左我d衫你同你講我好鐘意你對鞋你沖緊涼既時候我坐?樓梯口等你按摩你條頸錫你對腳捉住你對手一齊去食飯同埋就算你夾我d野食都唔緊要?Rudy’s見面我地講下今日發生既事打好封信幫你?野同埋笑你神經質送d你永遠唔會聽既錄音帶睇經典既戲睇恐怖既戲投訴d難聽既電台節目映你訓覺?個樣起身幫你沖杯咖啡仲有bagel同丹麥卷仲有去Florent同?凌晨十二點去飲咖啡由得你?我d煙食不過你點都搵唔到打火機同你講我尋晚睇左齣電視帶你去睇眼科你講冷笑話我唔笑我起身就想要你不過俾你訓多陣錫你既背脊掃你既皮膚講你知我有幾鐘意你既頭髮你對眼你個咀你條頸你心口你下面你

同埋坐?樓梯口食煙直至你d鄰居番哂黎坐?樓梯口食煙直至你番?會擔心架如果你遲左番如果你早左我會好出奇送太陽花俾你同你去party跳舞直至我好沮喪當我做錯好唔好意思當你原諒我會好開心同埋望住你d相然後諗我希望永遠都認識你我隻耳仔聽到你既聲音我既皮膚感覺到你既皮膚你發嬲我會驚同埋你一隻眼紅左另一隻眼藍左你將頭髮撥去左邊你塊面好矜貴同你講你真係好好你唔安樂既時候我攬實你你受傷既時候我抱住你我聞到你陣味我就想要你我掂你既時候冒犯到你?你側邊我會喊唔?你側邊我會喊眼淚滴?你既心口夜晚既時候焗住你你?被我會好涷你唔?被我會好熱你笑既話我會溶化你大笑既話我會溶解當我冇拒絕你我唔明點解你覺得我拒絕你點解你會諗到我會拒絕你呢你究竟算係邊個但係無論如何我都接受你同埋講你知樹上既精靈迷惑左森林裡面?個細路仔佢飛越左海洋因為佢愛你寫詩俾你同埋唔明白點解你唔信我有一種好內在既感覺我唔知點講我想買隻貓俾你我會好妒忌佢因為佢會搶哂你d注意力當你要起床又唔俾你起床你真係走左就好似BB仔咁喊起上?整死d?x買d你唔鐘意既禮物又dump左佢同埋請你嫁俾我你又say no但係我一路繼續問因為由一開始問我已經好認真不過你以為我講講下?呢個城市裡面亂咁行冇?你呢一度係空既想要你想要既同埋我唔見左自己但係知道同你一齊會好安全同埋講你知我d衰野將我最好既野都俾你因為你值得同埋即使幾唔想我都答你既問題幾唔想我都講真話坦白因為我知你鐘意咁同埋以為一切都玩完?但係撐多十分鐘啦?你從你既生命裡面掟走我之前同埋唔記得自己係邊個同埋想行近d你因為認識你係一件好靚既事值得咁樣同埋同你講d好爛既德文希伯來文凌晨三點同你造愛同埋唔知點樣就唔知點樣就唔知點樣就俾你知道我對你既愛壓倒性既不死既無可抵抗既無條件既環繞既滋潤心靈既打通思緒既正在進行既永不止息既我對你既愛。

1 則留言:

mike chow 說...

really well performance. give you a burst of applause.

especially, your monologues impressed me very much.